Ўзбекистон миллий жамоаси бош мураббийи Тимур Кападзе 2026 йилги Жаҳон чемпионати саралаш босқичидан ўрин олган Эронга қарши ўтказиладиган ҳал қилувчи ўйин олдидан ўз фикрларини билдирди.
"Эронга қарши жуда қизиқарли ва муҳим ўйин кутиб турибди. Биз рақибимизни яхши биламиз, улар кучли жамоа. Аммо биз ҳам ўз кучли ва заиф томонларимизни таҳлил қилдик. Ҳар томонлама ўйинга тайёрмиз ва яхши натижа қайд этишни хоҳлаймиз".
Ўзбекистонлик футболчилар Эрон футболи ҳақида маълумот берган
Кападзе Ўзбекистон терма жамоасида Эрон чемпионатида ўйнаётган футболчилар ҳақида ҳам тўхталиб, шундай деди:
"Биз Эрон чемпионати ва миллий жамоасининг ўйинларини кузатдик. Шунингдек, жамоамизда Эронда тўп тепаётган футболчилар бор. Улар бизга муҳим маълумотларни етказди. Лекин биз ўз услубимиз ва тактикамиз билан ҳаракат қиламиз".
Ўзбекистоннинг бу авлоди Жаҳон чемпионатига чиқа оладими? Ушбу саволга Кападзе шундай жавоб берди:
"Биз ҳозирги жамоани аввалги авлод билан таққослашни истамаймиз. Ҳар бир даврнинг ўз юлдузлари ва имкониятлари бор. Лекин ҳозирги жамоа жуда кучли ва тарихий имкониятга эга. Биз Жаҳон чемпионатига йўл олишга ҳаракат қиламиз".
Жалолиддин Машарипов ва Ўстон Ўрунов ўйнамайдими?
Кападзе Жалолиддин Машариповнинг дисквалификация туфайли ўйинда қатнашмаслигини тасдиқлади. Ўстон Орунов ҳақида эса ҳозирча аниқ қарор қабул қилинмаган:
"Машарипов биз учун муҳим ўйинчи, лекин унинг ўрнини босадиган футболчиларимиз бор. Ўруновнинг ҳолатини эса кузатиб борамиз, унинг майдонга тушиши эртага аниқ бўлади".
