"Ан-Наср"нинг бразилиялик дарвозабони Бенто юлдуз ҳужумчи Криштиану Роналду билан ишлаётгани ҳақида гапирди.
"Криштиану феноменал. У ҳар доим бизга ёрдам беришга ҳаракат қилади, маслаҳатлар беради, нимани яхшилаш мумкинлигини кўради. У биз билан гаплашишдан қўрқмайди. Бундай муносабатлар билан чиқишиб кетмаслик мумкин эмас. Мен энг яхшисини ўзимга сингдиришга ҳаракат қиламан. Бу ажойиб тажриба," - дея Бентонинг сўзларини келтиради Goal портали.
Криштиану Роналду 2023 йил бошидан бери "Ан-Наср" шарафини ҳимоя қилмоқда. 40 ёшли португалияликнинг Саудия клуби билан амалдаги шартномаси мавсум охиригача мўлжалланган.
