Англия терма жамоаси бош мураббийи Томас Тухель Латвияга (3:0) қарши ўйинда Рис Жеймснинг ўйини ҳақида фикр билдирди.
"Челси"нинг ўнг қанот ҳимоячиси "уч шерлар" сафида асосий таркибда майдонга тушди ва миллий жамоадаги илк голини жарима зарбасидан аниқ амалга оширган ҳолда киритди.
"Бугун ҳисобни очиш учун жарима зарбаси керак бўлди. Мен Рисни [Рис Жеймс] жуда яхши биламан - унда ажойиб иқтидор бор. У ўз ўйинидан фахрланишга тўлиқ ҳақли. Ҳозир у ажойиб формада, бунга шубҳа бўлиши мумкин эмас," - деди Жеймс билан "Челси"да бирга ишлаган Тухель ITV билан суҳбатда.
