Айни пайтда ишсиз бўлиб турган италиялик мураббий Маурицио Сарри клублар ўртасидаги жаҳон чемпионатининг янги формати ҳақида гапирди.
Турнир жорий йилнинг июнь-июль ойларида бўлиб ўтади ва унда олтита конфедерациядан 32 та жамоа иштирок этади.
"Мен кўпдан бери тақвимдан шикоят қилардим, лекин ўшанда мени инжиқ деб аташарди. Энди ҳамма шикоят қилмоқда," - дея Саррининг сўзларини келтиради TMW, у клублар ўртасидаги жаҳон чемпионатининг янгиланган кўриниши керак эмас, деб ҳисоблайди. - Ҳамма нимадир нотўғри эканлигини тушунди, лекин мен бу ҳақда биринчи бўлиб гапиргандим," - дейди 66 ёшли италиялик.
