"Челси" вингери Нони Мадуэкега "Милан" қизиқиш билдирмоқда. "Россонерилар" раҳбарияти англиялик футболчини сотиб олиш учун 40 млн евро етарли бўлади, деб ҳисобламоқда, деб хабар беради Transfer News Live. Ўз навбатида "кўклар" яқин трансферлар даврида 23 ёшли футболчини сотиш истагида эмас.
Нони Мадуэке жорий мавсум Энцо Мареска жамоаси сафида 28 та ўйинда майдонга тушди ва ўз ҳисобига 8 та гол ҳамда 4 та голли узатма ёздириб қўйишга эришди. Transferмаркт экспертларининг баҳолашича, футболчининг нархи роппа-роса 40 млн еврони ташкил этади. Вингернинг лондонликлар билан шартномаси 2030 йилгача мўлжалланган бўлиб, уни бир йилга узайтириш имконияти мавжуд.
