"Chelsi" vingeri Noni Maduekega "Milan" qiziqish bildirmoqda. "Rossonerilar" rahbariyati angliyalik futbolchini sotib olish uchun 40 mln yevro yetarli bo‘ladi, deb hisoblamoqda, deb xabar beradi Transfer News Live. O‘z navbatida "ko‘klar" yaqin transferlar davrida 23 yoshli futbolchini sotish istagida emas.

Noni Madueke joriy mavsum Enso Mareska jamoasi safida 28 ta o‘yinda maydonga tushdi va o‘z hisobiga 8 ta gol hamda 4 ta golli uzatma yozdirib qo‘yishga erishdi. Transfermarkt ekspertlarining baholashicha, futbolchining narxi roppa-rosa 40 mln yevroni tashkil etadi. Vingerning londonliklar bilan shartnomasi 2030 yilgacha mo‘ljallangan bo‘lib, uni bir yilga uzaytirish imkoniyati mavjud.