Нидерландиялик собиқ футболчи Рафаэль ван дер Ваарт Ламин Ямал билан сиртдан жанжаллашишда давом этмоқда.
Миллатлар лигаси доирасидаги Испания ва Нидерландия терма жамоалари ўртасидаги ўйин олдидан "Реал"нинг собиқ ярим ҳимоячиси 17 ёшли вингерни танқид остига олди. Ямал "тўқ сариқлар" дарвозасига гол урди ва испанларга ярим финалга чиқишга ёрдам берди, шундан сўнг у ижтимоий тармоқларда ван дер Вартни эслаб, унинг сўзларини масхара қилди.
"Мен Ямалга бироз семизроқ бўлган собиқ футболчининг фикри ҳақида камроқ қайғуришни маслаҳат берган бўлардим. Унинг ижтимоий тармоқдаги постидан хавотир олмаяпман. Ламинни ақл бовар қилмайдиган футболчи деб биламан. Шунчаки у оёқда мустаҳкам туришда давом этишини истайман," - деди нидерландиялик собиқ футболчи.
