Лаутаро Мартинес ва Дензел Дюмфрис жароҳати сабаб "Интер"нинг бир нечта ўйинларини ўтказиб юборишади.
Аввалроқ, аргентиналик форвард тиззасидан олган жароҳати сабаб ЖЧ-2026 саралаш босқичи доирасидаги ўйинларда иштирок этмаслиги маълум бўлганди.
У 5 апрель куни "Парма"га қарши А Серия ўйинида майдонга қайтиши кутилмоқда. Мартинес Италия чемпионатида "Удинезе"га қарши ўйинни ўтказиб юборади ва Италия кубоги доирасида "Милан"га қарши ўйинни ўтказиб юбориши мумкин.
Дюмфрис кейинги ҳафтада қўшимча синовлардан ўтади ва "Удинезе", "Милан" ва "Парма"га қарши ўйинларни ўтказиб юборади.
Қўшимча текширувдан сўнг нидерландиялик ҳимоячининг "Бавария"га қарши Чемпионлар лигаси 1/4 финали биринчи ўйинига тайёрми ёки йўқлиги маълум бўлади.
