"Интер" президенти Симоне Индзаги билан шартномани узайтиришини маълум қилди.
48 ёшли мутахассиснинг клуб билан амалдаги келишуви 2026 йилнинг июнь ойи охиригача мўлжалланган. У яқин ойларда 2028 йилгача мўлжалланган янги шартномани имзолаши кутилмоқда.
"Биз Индзагидан жуда мамнунмиз, унинг шартномасини узайтириш - расмиятчилик. У ўтган йиллар давомида жуда яхши ишлади ва бутун клубга ўрнак бўлди.
Симоне - дунёнинг энг яхши мураббийларидан бири, унинг устунлиги ҳам шундаки, у ажойиб футболчи эди.
У биз билан эканидан жуда хурсандмиз," - деди "Интер" президенти Беппе Маротта.
Индзаги 2021 йилдан бери клубни бошқариб келмоқда. Унинг қўл остида "Интер" ўтган мавсумда Италия чемпиони бўлди, икки марта мамлакат кубогини ва уч марта Италия Суперкубогини қўлга киритди.
