Аргентина терма жамоаси ҳужумчиси Хулиан Альварес Рафинья Диаснинг ўйин олдидан айтган фикрлари жамоанинг кайфиятига таъсир қилганини тан олди.
"Барселона" вингери ўйин олдидан берган интервьюсида аргентиналиклар билан учрашув ҳақида дадил гапириб, гол ура олишига ишонч билдирди. Натижа ҳалокатли бўлди: "пентакампеонлар" 1:4 ҳисобида мағлуб бўлишди, Рафинья эса ҳеч қандай натижа қайд этмади.
"Рафиньянинг сўзлари? Бу ўйинга қандайдир учқун бергани аниқ. Биз ўйинга камтарона ёндашиб, уларга қарши рақсга тушдик", - деди Альварес.
Аргентина терма жамоаси ўйин бошланишидан олдин ҳам ЖЧ йўлланмасини муддатидан олдин қўлга киритди. Лионель Скалони шогирдлари 14 турдан кейин 31 очко билан саралаш гуруҳида пешқадамлик қилмоқда, Бразилия 21 очко билан тўртинчи ўринда.
