"Реал"нинг собиқ ярим ҳимоячиси Тони Кроос футболчилик фаолиятини қандай якунлашга қарор қилгани ҳақида гапириб берди.
"Бу қарор бир кунда қабул қилингани йўқ, мен бу ҳақда узоқ вақт ўйладим. Жамоада муҳим рол ўйнашни орзу қилардим. Одамлар менинг жисмоний тайёргарлигимга шубҳа қилишларини хоҳламадим. Оилам ва рафиқам билан кўплаб суҳбатлардан сўнг кетишга қарор қилдим", - деди Кроос.
Кроос Германия терма жамоаси билан 114 та ўйинда 17 та гол урди ва 21 та голли узатмани амалга оширди ва 2014 йилги жаҳон чемпионатида ғолиб чиқди.
