"Ньюкасл"нинг швециялик ҳужумчиси Александр Исак ёзги трансферлар ойнасида қаерга боришини ҳал қилди.
Fichajes нашрига маълум бўлишича, 25 ёшли форвард фаолиятини Лондоннинг "Арсенал" клубида давом эттирмоқчи. Шу билан бирга, таъкидланишича, "қарғалар" Исакнинг трансфери борасида ҳеч қандай ён босмоқчи эмас, чунки бу уларнинг асосий активи ҳисобланади. Эҳтимол, "канонирлар" Исакни қўлга киритиш учун ўз тарихидаги рекорд суммани тўлашлари керак бўлади, дея таъкидлади манба. Футболчига "Ливерпуль" ҳам қизиқишда давом этмоқда.
Жорий мавсумда ҳужумчи барча мусобақаларда 33 та ўйинда майдонга тушиб, 23 марта рақиблар дарвозасини ишғол қилди ва бешта ассистни ўз ҳисобига ёздириб қўйди.
