"Ливерпуль"нинг собиқ ҳимоячиси Жейми Каррагер "қизиллар" ҳимоячиси Трент Александр-Арнольднинг Мадриднинг "Реал" клубига ўтиши ҳақидаги хабарга изоҳ берди.
"Трент бу ерда жуда кўп йилларни ўтказди. Бепул кетиш энг яхши ечим эмас. Ишончим комилки, мухлислар ҳам шундай фикрда. Клуб тарбияланувчиси бўлсанг, сендан каттароқ нарса талаб қилишади. Тарбияланувчи сифатида "Ливерпуль"дан товон пулисиз кетиб бўлмайди," - дея мутахассиснинг сўзларини келтиради журналист Гидон Биззи ижтимоий тармоқларда.
Аввалроқ матбуотда Александр-Арнольд ёзда "қаймоқранглилар" сафига қўшилиши ҳақида хабарлар тарқалган эди. Футболчи "Реал" билан 5 йиллик шартнома борасида келишиб олди.
