Ёзда ҳимоячи Норди Мукиэле "ПСЖ"дан ижара асосида "Байер"га ўтди. Келишувда сотиб олиш имконияти кўзда тутилмаган, аммо Леверкузен клуби Мукиэле билан доимий асосда шартнома имзоламоқчи, аммо бунинг учун парижликлар билан музокаралар олиб боришга тўғри келади.
Ўйинчининг ўзи Kicker билан суҳбатда келажаги ҳақидаги фикрлари билан ўртоқлашди.
"Тўғрисини айтсам, бу ҳақда ўйламаяпман. Шунчаки, ҳар бир ўйинда, ҳар бир машғулотда бу клуб учун боримни беришга эътибор қаратаман. Бу ерга келганимнинг биринчи куниданоқ менга берган ҳамма нарсалари учун.
Мен бошида тайёр эмасдим, чунки ундан олдин узоқ вақт давомида асосий таркибга кирмаган эдим. Ўтган мавсум мен учун қандай кечганини ҳисобга олсак ҳам, бу осон бўлмади. Аммо жамоадошларим ўзимни яхши ҳис қилишимга катта ёрдам беришди. Бахтли бўлсам, яхши ўйнайман.
Нима бўлишини кўрамиз, лекин улар менга берган ҳамма нарса учун жуда миннатдорман. Умид қиламанки, келажакда ҳам шундай бўлади," - деди Мукиэле.
