"Интер Майами" форварди Лионель Мессининг қўриқчиси Яссин Чуеко ютубер Логан Полга чақирув ташлади.
"Менга қара, Логан. Кўчада кўпчилик мени тўхтатгани учун бу видеони ёзиб оляпман. Менга бу жанг ҳақида хабарлар юборишмоқда, инстаграмда кўплаб изоҳлар ёзишмоқда. Энди орқага йўл йўқ. Бу жангни одамлар учун қиламиз," - деди Чуеко.
Аввалроқ Месси Mas+ номли энергетик ичимликлар брендини чиқарган эди. Полнинг таъкидлашича, бренд унинг Prime брендига жуда ўхшайди.
Ушбу баҳсни ҳал қилиш учун Логан Лионелга жанг ўтказишни таклиф қилди.
Чуеко собиқ ҳарбий, у аралаш яккакурашлар билан шуғулланади.
