Миланнинг "Интер" клуби Италия А Сериясида таркиб бўйича энг қиммат клуб ҳисобланади. Италиянинг амалдаги чемпиони барча футболчиларининг умумий қиймати 664 млн еврони ташкил этади.
"Ювентус"да унчалик катта фарқ йўқ. "Бьянконерилар" футболчиларининг умумий қиймати - 623 млн евро. Рейтингда учинчи ўрин "Милан"га тегишли - 542 млн. Кучли бешликни "Аталанта" (479 млн) ва "Наполи" (356 млн) якунлаб берди.
Олтинчи ва еттинчи ўринларни 304 млн евро билан Римнинг "Рома" ва 291 млн евро билан "Лацио" жамоалари эгаллади.
Энг арзон таркиб Сардиниянинг "Кальяри" (18-ўрин, 79 млн евро), "Лечче" (19-ўрин, 77 млн) ва "Венеция" (20-ўрин, 76,5 млн) жамоаларига тегишли.
