Milanning "Inter" klubi Italiya A Seriyasida tarkib bo‘yicha eng qimmat klub hisoblanadi. Italiyaning amaldagi chempioni barcha futbolchilarining umumiy qiymati 664 mln yevroni tashkil etadi.

"Yuventus"da unchalik katta farq yo‘q. "Byankonerilar" futbolchilarining umumiy qiymati - 623 mln yevro. Reytingda uchinchi o‘rin "Milan"ga tegishli - 542 mln. Kuchli beshlikni "Atalanta" (479 mln) va "Napoli" (356 mln) yakunlab berdi.

Oltinchi va yettinchi o‘rinlarni 304 mln yevro bilan Rimning "Roma" va 291 mln yevro bilan "Lasio" jamoalari egalladi.

Eng arzon tarkib Sardiniyaning "Kalyari" (18-o‘rin, 79 mln yevro), "Lechche" (19-o‘rin, 77 mln) va "Venesiya" (20-o‘rin, 76,5 mln) jamoalariga tegishli.