"Боруссия Д" спорт директори Себастьян Кель клубни тарк этиши мумкин, дея хабар бермоқда Sport.de ва Sport Bild.

Аввалроқ функционер билан шартнома 2027 йил 30 июнгача узайтирилган эди. Шунга қарамай, Дортмунд клуби еврокубокларга чиқа олмаса, у жамоани тарк этиши мумкин. Ҳозирда клуб Бундеслигада 11-ўринни эгаллаб турибди.

Унинг ўрнини Австрия терма жамоаси бош мураббийи Ральф Рангник эгаллаши мумкин. Аввалроқ у "Боруссия" бош мураббийи бўлиш учун номзод эди. У "Лейпциг"даги каби икки лавозимни бирлаштиришни режалаштирмаяпти.

Кель ўз лавозимини 2022 йил ёзидан бери эгаллаб келмоқда. Футболчи сифатида у 2002 йилдан 2015 йилгача клубда ўйнаган, 3 марта мамлакат чемпионлигини, 2 марта Суперкубок ва 1 марта кубокни қўлга киритган.

У дортмундликлар сафида 362 та ўйинда майдонга тушиб, 22 та гол ва 29 та голли узатмага муаллифлик қилган.