Трент Александр-Арнольд клублар ўртасидаги жаҳон чемпионатида "Реал" сафида ўйнаши мумкин.
Мадридликлар "Ливерпуль" ҳимоячисини эркин агент сифатида ўз сафига қўшиб олишига ишонаётгани ҳақида хабарлар тарқалган эди.
Daily Mail хабарига кўра, испан клуби футболчини 14 июндан 13 июлга қадар бўлиб ўтадиган турнирга олиб кетмоқчи. Муаммо шундаки, инглизнинг шартномаси фақат 30 июнда тугайди, шунинг учун мерсисайдликлар билан уни муддатидан олдин бекор қилиш бўйича келишиб олишга тўғри келади.
Қайд этилишича, "Реал"дан кичик товон пули талаб қилиниши мумкин.
