Лионель Скалони Аргентина ва Бразилия ўйини олдидан Рафиньянинг сўзларини кечирди.
Эслатиб ўтамиз, "пентакампеонлар" қанот ҳужумчиси Рафинья Диас Бразилия Аргентинани "майдон ичида ва ташқарисида" енгишини айтган эди. ЖЧ-2026 саралаш босқичидаги ўйин "альбиселесте"нинг 4:1 ҳисобидаги ғалабаси билан якунланди.
"Бу Бразилия ва Аргентина ўртасидаги ўйин, бундай баёнотлар бериш керак эмас. Аммо биз бунинг учун шундай ўйнамадик. Мен Рафиньяни кечираман, чунки у буни атайлаб қилмаганини биламан. У ўз терма жамоасини ҳимоя қилмоқда.
Охир-оқибат, бу баёнотлар билан ёки уларсиз Аргентина ўз футболини ўйнамоқчи эди ва мен уни кечираман, чунки ишончим комилки, у ҳеч кимни хафа қилишни истамаган," - деди Аргентина терма жамоаси бош мураббийи.
