"Челси" ҳужумчиси Кристофер Нкунку ёзги трансферлар ойнасида жамоасини ўзгартириши мумкин. Қишда футболчига "Бавария" ва "Манчестер Юнайтед" қизиқиш билдирган, аммо трансфер амалга ошмаган. Инсайдер Фабрицио Романонинг маълум қилишича, франциялик футболчи мунтазам равишда асосий таркибда майдонга тушишни истайди, шу боис унинг ёзда сотилиши ҳеч гап эмас. Ҳозир "Челси"да келажакдаги трансферлар ҳақида ўйлашмаяпти - клуб бор эътиборини келаси мавсумда Чемпионлар лигаси йўлланмасини қўлга киритишга қаратган.
Transfermarkt экспертлари Кристофер Нкункунинг нархини 45 млн еврога баҳоламоқда. Ҳужумчи жорий мавсумда барча мусобақаларда 38 та баҳсда 14 та гол ва бешта голли узатмани амалга оширди.
