"Chelsi" hujumchisi Kristofer Nkunku yozgi transferlar oynasida jamoasini o‘zgartirishi mumkin. Qishda futbolchiga "Bavariya" va "Manchester Yunayted" qiziqish bildirgan, ammo transfer amalga oshmagan. Insayder Fabrisio Romanoning ma’lum qilishicha, fransiyalik futbolchi muntazam ravishda asosiy tarkibda maydonga tushishni istaydi, shu bois uning yozda sotilishi hech gap emas. Hozir "Chelsi"da kelajakdagi transferlar haqida o‘ylashmayapti - klub bor e’tiborini kelasi mavsumda Chempionlar ligasi yo‘llanmasini qo‘lga kiritishga qaratgan.
Transfermarkt ekspertlari Kristofer Nkunkuning narxini 45 mln yevroga baholamoqda. Hujumchi joriy mavsumda barcha musobaqalarda 38 ta bahsda 14 ta gol va beshta golli uzatmani amalga oshirdi.
