"Лилль"нинг ҳужумкор ярим ҳимоячиси Анхель Гомес "Манчестер Юнайтед"га қайтиши мумкин.
Журналист Экрем Конурнинг таъкидлашича, "қизил иблислар" раҳбарияти "Лилль" билан шартномасининг сўнгги йилида бўлган ўз тарбияланувчисини қайтариш вариантини кўриб чиқмоқда. Гомес француз жамоаси билан меҳнат шартномасини узайтирмаслиги ва эркин агент сифатида кетиши кутилмоқда.
Гомес 2020 йилдан бери "Лилль" шарафини ҳимоя қилмоқда. Бу мавсумда у барча мусобақаларда 40 та ўйин ўтказиб, тўртта гол урди ва иккита голли узатмани амалга оширди. Transfermarkt портали мутахассислари хавбекнинг нархини 20 миллион еврога баҳоламоқда.
