"Ливерпуль" аллақачон "Борнмут"нинг чап қанот ҳимоячиси Милош Керкез трансфери устида ишламоқда. Венгриялик ҳимоячи "қизиллар"нинг ёзги бозордаги устуворликларидан бири бўлиб, унинг трансфери яқин ҳафталарда амалга ошиши мумкин.
Арне Слот жамоаси бир нечта позицияларни кучайтиришни режалаштирмоқда ва ҳимоянинг чап қаноти асосий устуворликлар қаторида. Эндрю Робертсон ва Костас Цимикаснинг келажаги ноаниқлигича қолмоқда, шунинг учун "Ливерпуль" Керкезни бу позиция учун асосий вариант сифатида кўрмоқда.
"Борнмут" ўз ҳимоячисини осонликча қўйиб юборишни режалаштирмаяпти ва унинг учун тахминан 40 миллион фунт талаб қилмоқда. Шартнома яна уч мавсум давом этишига қарамай, клубдагилар Керкезни "Ливерпуль" қизиқишлари олдида ушлаб туриш қийин бўлишини аллақачон тушуниб етишган. Футболчининг атрофидан келишув якуний босқичда экани, унинг "Энфилд"га ўтиши вақт масаласи экани ҳақида хабарлар келмоқда.
Эслатиб ўтамиз, Милош Керкез жорий мавсум "Борнмут" сафида барча мусобақаларда 32 та ўйинда майдонга тушиб, 2 та гол урган ва 5 та голга ҳаммуаллифлик қилган.
