"Liverpul" allaqachon "Bornmut"ning chap qanot himoyachisi Milosh Kerkez transferi ustida ishlamoqda. Vengriyalik himoyachi "qizillar"ning yozgi bozordagi ustuvorliklaridan biri bo‘lib, uning transferi yaqin haftalarda amalga oshishi mumkin.
Arne Slot jamoasi bir nechta pozisiyalarni kuchaytirishni rejalashtirmoqda va himoyaning chap qanoti asosiy ustuvorliklar qatorida. Endryu Robertson va Kostas Simikasning kelajagi noaniqligicha qolmoqda, shuning uchun "Liverpul" Kerkezni bu pozisiya uchun asosiy variant sifatida ko‘rmoqda.
"Bornmut" o‘z himoyachisini osonlikcha qo‘yib yuborishni rejalashtirmayapti va uning uchun taxminan 40 million funt talab qilmoqda. Shartnoma yana uch mavsum davom etishiga qaramay, klubdagilar Kerkezni "Liverpul" qiziqishlari oldida ushlab turish qiyin bo‘lishini allaqachon tushunib yetishgan. Futbolchining atrofidan kelishuv yakuniy bosqichda ekani, uning "Enfild"ga o‘tishi vaqt masalasi ekani haqida xabarlar kelmoqda.
Eslatib o‘tamiz, Milosh Kerkez joriy mavsum "Bornmut" safida barcha musobaqalarda 32 ta o‘yinda maydonga tushib, 2 ta gol urgan va 5 ta golga hammualliflik qilgan.
