Испания прокуратураси Испания Қироллик футбол федерацияси собиқ президенти Анхель Мария Вильяр учун 15,5 йил қамоқ жазосини талаб қилди, деб хабар беради Marca.

Вильяр 2007 йилдан 2017 йилгача бўлган даврда ўз ваколатларини суиистеъмол қилиш, коррупция ва шартномалар тузиш учун маблағларни ўзлаштиришда айбланган. Федерацияга етказилган зарар 4,5 миллион еврони ташкил қилган. Тергов маълумотларига кўра, Вильяр ўз лавозимидан ўғли Горкий Вильяр манфаатлари йўлида фойдали шартномалар олиш учун фойдаланган. Вильяр  Испания терма жамоаси учун ўртоқлик ўйинлари ташкил этиш учун бошқа мамлакатлар футбол федерациялари билан шартнома тузган.

Коррупцияга қарши кураш бошқармаси бу ишга алоқадор саккиз кишига, жумладан Горка Вильярга ҳам айблов эълон қилган. Унинг учун тергов етти йил қамоқ жазосини талаб қилади. Айбланувчилар орасида РФEФ собиқ вице-президенти Хуан Падрон ҳам бор, тергов унинг учун олти ярим йил қамоқ жазосини талаб қилмоқда.