Эрон терма жамоаси ярим ҳимоячиси Масъуд Шожаий машғулот жараёнида тўқнашиб кетди ва шифокорларга мурожаат қилишга тўғри келди. Унинг ҳолати мураббийлар штабини хавотирга солаётган бўлсада, Ливан билан ўйингача футболчининг оғриқдан халос бўлишига умид қилишмоқда.
Эронликларни қувонтирган хабарлардан бири Ашкан Дежаганинг машғулотларга қайтган бўлди. "Фулхэм" сафида Англия Премьер-лигасида жароҳат олган футболчи деярли 2 ой давомида футболдан узоқда бўлди. У 11 июнь куни Ливан билан ўйинда майдонга туша олмаслиги деярли аниқ, аммо Дежага 18 июнь куни Ж.Кореяга қарши ўйинда иштирок этиши мумкин.