Жюль Кунде "Осасуна"га (3:0) қарши ўйиндан кейин Ла Лига тақвимини танқид қилди.
"Ўйин санасидан жаҳлим чиқяпти, бу нормал ҳолат эмас. Тақвим ҳақида кўп гапирганмиз, жуда кўп ўйин ўтказяпмиз. Биламан, буни тушунмайдиганлар ҳам бор. Иштиёқни сақлаб қолганим учун омадлиман, деб ҳисоблайман, лекин бу ҳурматсизлик, нафақат клубга нисбатан.
Шунингдек, "Осасуна"ни ҳам назарда тутяпман, унинг футболчилари, масалан, Будимир ҳам терма жамоа ўйинларига борган ва уларда керакли дам олиш бўлмаган. Қайси клуб - "Осасуна," "Барселона," "Реал" эканлиги муҳим эмас... Бу нафақат клубларга, биринчи навбатда футболчиларга нисбатан ҳурматсизликдир.
Биз машина эмасмиз - яхши ўйин ўтказиш учун дам олишимиз керак. Буни нафақат Ла Лига, балки барча футбол институтлари тушуниши керак," - деди Кунде DAZN эфирида.
