"Бавария" бош мураббийи Венсан Компани жароҳат сабаб узоқ вақтга сафдан чиққан икки футболчиси Дайо Упамекано ва Альфонсо Дэвис ҳақида гапирди.

"Афсуски, мавсумнинг бундай муҳим даврида Алфонсо ва Дайо биз билан эмас. Бу мавсумда биз аллақачон кадрлар билан боғлиқ муаммоларга дуч келдик ва ҳар доим ечим топа олдик. Умид қиламанки, бу жамоани янада жипслаштиради. Биз тезда ўзимиз назорат қила оладиган нарсаларга эътибор қаратишимиз керак. Биз чекинадиган жой йўқ бўлган вазиятдамиз. Мақсадларимизга эришиш учун қўлимиздан келганини қиламиз.

Бундай вазиятларда ечим топиш масаласига келсак, ҳамма нарса жароҳатлардан анча олдин бошланади - ҳар ким муҳимлигини ҳис қилиши керак. Ҳозир майдонга тушаётган футболчилар аллақачон етарли тажрибага эга. Мавсумда йўқотишлар биринчи марта эмас. Албатта, бошида бу ёқимсиз хабар, лекин кейин олдинга силжиш керак. Жароҳат олганларга барча зарур ёрдам кўрсатилмоқда. Аммо баҳона йўқ - биз ўйнашимиз ва ғалаба қозонишимиз керак," - деди Компани.