"Бавария" "Брайтон" дарвозабони Барт Вербрюггенни сотиб олмоқчи.
The Telegraph хабарига кўра, мюнхенликлар ёзда таклиф билан чиқишга тайёргарлик кўрмоқда. Қайд этилишича, немис клуби футболчининг Премьер-лигадаги сезиларли ўсишини кузатиб бормоқда.
Вербрюгген Англияга 2 йил олдин "Андерлехт"дан 16,3 млн фунт эвазига ўтганди. Айни пайтда нидерландиялик 60 миллион фунтга баҳоланмоқда.
"Бавария"нинг асосий дарвозабони Мануэль Нойер ўнг оёғидаги мушак ёрилиши туфайли ҳозирда ўйнай олмаяпти. Шу муносабат билан клуб узоқ муддатли истиқболда унинг ўрнини босиши мумкин бўлган дарвозабонлар номзодларини кўриб чиқмоқда. Вербрюгген, тахмин қилинишича, рўйхатнинг бошида. Масала шундаки, немислар уни имзолаш учун курашда рақобатчиларни ортда қолдира оладими?
Барт бу мавсумда АПЛда 27 та ўйин ўтказиб, 6 бор дарвозаси даҳлсизлигини сақлаб қолди.
