"Bavariya" "Brayton" darvozaboni Bart Verbryuggenni sotib olmoqchi.
The Telegraph xabariga ko‘ra, myunxenliklar yozda taklif bilan chiqishga tayyorgarlik ko‘rmoqda. Qayd etilishicha, nemis klubi futbolchining Premyer-ligadagi sezilarli o‘sishini kuzatib bormoqda.
Verbryuggen Angliyaga 2 yil oldin "Anderlext"dan 16,3 mln funt evaziga o‘tgandi. Ayni paytda niderlandiyalik 60 million funtga baholanmoqda.
"Bavariya"ning asosiy darvozaboni Manuel Noyer o‘ng oyog‘idagi mushak yorilishi tufayli hozirda o‘ynay olmayapti. Shu munosabat bilan klub uzoq muddatli istiqbolda uning o‘rnini bosishi mumkin bo‘lgan darvozabonlar nomzodlarini ko‘rib chiqmoqda. Verbryuggen, taxmin qilinishicha, ro‘yxatning boshida. Masala shundaki, nemislar uni imzolash uchun kurashda raqobatchilarni ortda qoldira oladimi?
Bart bu mavsumda APLda 27 ta o‘yin o‘tkazib, 6 bor darvozasi dahlsizligini saqlab qoldi.
