Мадриднинг "Реал" клуби ёзда Эндрик ёки Арда Гюлерни ижарага юбориши мумкин.
"Қаймоқранглилар" Англиянинг "Борнмут" клуби марказий ҳимоячиси Дин Хёйсенга қизиқмоқда. Transfer News Live нашрининг Cadena SER'га таяниб хабар беришича, "Реал" 19 ёшли испаниялик футболчи трансферига ўзининг ёш юлдузларидан бири - Эндрик ёки Гюлерни қўшиши мумкин. Албатта, "гилослар"га фақат ижара таклиф қилинади, чунки "қироллик клуби" бразилиялик ва туркияликнинг истиқболларини юқори баҳолайди, шунинг учун улар билан бутунлай хайрлашишга тайёр эмас.
Дин Хейсеннинг Transfermarkt сайтидаги баҳоланган нархи - 42 млн евро. Худди шу портал экспертлари 18 ёшли Эндрикни 40 млн, 20 ёшли Гюлерни эса 45 млнга баҳолаган.
