"Лейпциг" "Сандерленд" марказий ярим ҳимоячиси Жоб Беллингем трансфери бўйича дастлабки музокараларни ўтказди, деб хабар бермоқда Sky Sport журналисти Флориан Плеттенберг.
"Лейпциг" футболчига жиддий қизиқиш билдирмоқда ва барча керакли маълумотларни тўплаган, аммо унинг нархини жуда юқори деб ҳисобламоқда.
Жоб "Сандерленд" сафида "Бирмингем"дан 1,75 млн евро эвазига ўтганидан кейин 2023 йилнинг июлидан буён тўп тепиб келмоқда. Унинг шартномаси 2028 йилнинг 30 июнига қадар амал қилади, Transfermarkt портали уни 22 млн еврога баҳоламоқда.
Жорий мавсумда Беллингем клуб сафида 34 та ўйинда 4 та гол ва 3 та голли узатмани амалга оширди.
