"Барселона" ҳужумчиси Роберт Левандовски жорий мавсум якунида қанча бонус тўловлар олиши мумкинлиги маълум бўлди.

Diario Sport нашри хабарига кўра, 36 ёшли форвард Ла Лигадаги ғалаба учун ўз ғазнасига қўшимча 600 минг евро қўшиб олади. Агар "Барселона" чемпионлик ва кубокни қўлга кирита олса, Левандовски 800 минг евро олади, дея хабар беради манба.

Таъкидланишича, польшалик ҳужумчи Чемпионлар лигасида ғалаба қозонса, яна 1 миллион евро, треблни қўлга киритса, 2 миллион евро ишлаб олади.

28-турдан кейин "кўк-анорранглилар" 63 очко билан Испания чемпионати турнир жадвалида пешқадамлик қилишмоқда.