"Барселона" бош мураббийи Ханс-Дитер Флик "Осасуна"нинг апелляциясига муносабат билдирди. Памплона вакилларининг фикрича, жамоалар қолдирилган ўйинни ўтказган пайшанба куни ҳимоячи Иньиго Мартинес майдонга тушиш ҳуқуқига эга бўлмаган. Ўйинда "Барселона" ўз майдонида 3:0 ҳисобида ғалаба қозонди.
"Мен бу борада ҳеч нарса дея олмайман, билмайман. Ҳолат шундай. Биз уч очко олдик, қолгани энди менинг ихтиёримда эмас," - деди Флик шанба кунги матбуот анжуманида.
30 март, якшанба куни "Барселона" Испания чемпионатида "Жирона"га қарши уй учрашувини ўтказади. Каталонияликлар ҳозирда Ла Лигада пешқадамлик қилмоқда ва иккинчи ўриндаги "Реал"ни 3 очкога ортда қолдирмоқда.
