Неймар Титени Бразилия терма жамоасига қайтармоқчи.
R7 Esportes нашри хабарига кўра, бу масала Аргентинадан 1:4 ҳисобида учралган мағлубиятнинг эртасига жамоа раҳбарлари ўртасида WhatsApp орқали муҳокама қилинган.
Титенинг қайтиши ғояси тарафдорларидан бири Неймар бўлиб, у омма олдида уни бутун фаолияти давомида бирга ишлаган энг яхши мураббий деб атаган.
Қайд этилишича, Неймарни қўллаб-қувватлаши январь ойида у билан жанжаллашиб қолган Жорже Жезус фигураси билан боғлиқ бўлиши мумкин. "Ал-Ҳилол" бош мураббийи CBF президенти Эдналдо Родригес учун Б режаси. Мураббийнинг асосий орзуси - Карло Анчелотти.
Олдинроқ Жезус "Ал-Ҳилол"да мавсум якунланганидан кейин Бразилия терма жамоасини бошқаришга тайёрлигини билдирганди.
Тите 2022 йилнинг декабрида ЖЧ чорак финалида Хорватиядан учралган мағлубиятдан сўнг Бразилия терма жамоаси бош мураббийи лавозимини тарк этганди.
