Neymar Titeni Braziliya terma jamoasiga qaytarmoqchi.

R7 Esportes nashri xabariga ko‘ra, bu masala Argentinadan 1:4 hisobida uchralgan mag‘lubiyatning ertasiga jamoa rahbarlari o‘rtasida WhatsApp orqali muhokama qilingan.

Titening qaytishi g‘oyasi tarafdorlaridan biri Neymar bo‘lib, u omma oldida uni butun faoliyati davomida birga ishlagan eng yaxshi murabbiy deb atagan.

Qayd etilishicha, Neymarni qo‘llab-quvvatlashi yanvar oyida u bilan janjallashib qolgan Jorje Jezus figurasi bilan bog‘liq bo‘lishi mumkin. "Al-Hilol" bosh murabbiyi CBF prezidenti Ednaldo Rodriges uchun B rejasi. Murabbiyning asosiy orzusi - Karlo Anchelotti.

Oldinroq Jezus "Al-Hilol"da mavsum yakunlanganidan keyin Braziliya terma jamoasini boshqarishga tayyorligini bildirgandi.

Tite 2022 yilning dekabrida JCH chorak finalida Xorvatiyadan uchralgan mag‘lubiyatdan so‘ng Braziliya terma jamoasi bosh murabbiyi lavozimini tark etgandi.