"Ювентус"га ижарага берилган "ПСЖ" ҳужумчиси Рандал Коло-Муанига Англия Премьер-лигасининг кўплаб вакиллари қизиқмоқда.
Француз Париждаги муваффақиятсизликдан сўнг тезда Туринда ўзини кўрсатди. TBR Football хабарига кўра, 26 ёшли футболчининг муваффақиятларини "Арсенал," "Челси," "Тоттенхэм," "Ливерпуль," "Астон Вилла" ва "Ньюкасл" клублари кузатиб бормоқда. Олтита клубнинг барчаси ҳужумчини келаси ёзда ўз сафига қўшиб олиш ҳақида ўйламоқда.
Рандал Коло-Муанининг "Ювентус"даги ижараси мавсум якунлангач якунланади. Аввалроқ, "кекса синьора" раҳбарияти футболчи билан ҳамкорликни давом эттириш истагини билдирган эди.
