"Ньюкасл" Лига кубогини қўлга киритгани муносабати билан байрамона парад ўтказди.
16 март куни "Ньюкасл" Лига кубоги финалида "Уэмбли"да "Ливерпуль" устидан ғалаба қозониб, 70 йил ичида илк бор ички кубокни қўлга киритди.
"Ньюкасл" ушбу воқеани мавсум тугашини кутмасдан нишонлашга қарор қилди. Шанба куни Эдди Ҳау жамоаси футболчилари "Сент-Жеймс Парк"дан шаҳар марказидаги махсус жиҳозланган саҳнагача очиқ автобусда сайр қилишди.
The Chronicle нашрининг ёзишича, "Ньюкасл"нинг 150 мингга яқин мухлиси ўз қаҳрамонларини кутиб олиш учун шаҳар кўчаларига чиққан.
