"Барселона" ўз майдонида Испания Ла Лигасининг 29-турида "Жирона"ни мағлуб этди - 4:1.
"Барселона" 43-дақиқада Ладислав Крейчининг автоголи эвазига ҳисобда олдинга чиқиб олди. Иккинчи бўлим бошида меҳмонлар сафида Арно Груневелд гол урди.
Роберт Левандовскининг дубли каталонияликларни ишончли ҳисобда олдинга олиб чиқди. 61 ва 77-дақиқаларда польяк ўз ҳисобига гол ёздириб қўйди. 86-дақиқада Ферран Торрес ҳисобни йирик кўринишга олиб келди.
"Барселона" (66) кетма-кет тўққизинчи ғалабасини қўлга киритди ва ла лигада пешқадамликни давом эттирмоқда. Ҳанс-Дитер Флик жамоаси яна "Реал"ни 3 очкога ортда қолдирди.
"Жирона" (34) қаторасига еттинчи ўйинда ғалаба қозона олмади ва турнир жадвалида 13-ўринда бормоқда.
