Лондоннинг "Челси" клуби "Ливерпуль" посбони Каомхин Келлехерни ўз сафига чорламоқчи.
Ирландиялик футболчи узоқ вақтдан бери Алиссоннинг ўринбосари роли билан кифояланишга мажбур, янги мавсумдан бошлаб эса "қизиллар"нинг учинчи дарвозабони бўлиш хавфи остида, чунки жамоа сафини Георгий Мамардашвили тўлдиради. Football Insider хабарига кўра, "Челси" Келлехер учун 40 млн фунт (деярли 48 млн евро) таклиф қилишга тайёр. Transfermarkt портали 26 ёшли посбоннинг нархини анча паст - 22 млн еврога баҳоламоқда.
Жорий мавсумда Каомхин Келлехер "Ливерпуль" сафида 18 та ўйинда майдонга тушиб, 17 та гол ўтказиб юборган.
