"Наполи" бош мураббийи Антонио Конте А Серия 30-туридан ўрин олган "Милан"га (2:1) қарши ўйиндан сўнг интервью берди.
"Биринчи бўлимда жуда кучли рақиб устидан устунлик қилдик. "Милан" скудетто учун курашиш мақсадида мавсумни бошлаган ва январь ойида трансферлар туфайли янада кучайган.
Бу муҳим ғалаба бўлиб, "Интер"ни таъқиб қилишда давом этиш ва бешинчи ўриндан сезиларли ўзиб кетиш имконини беради. Шуни унутмаслик керакки, биз дастлаб Чемпионлар лигасига йўлланма олишни кўзламагандик - мақсад Европа лигасига чиқиш эди," - деди Конте DAZNга берган интервьюсида.
