Кеча "Манчестер Сити" Англия кубоги чорак финалида "Борнмут"ни мағлуб этди - 2:1.
Биринчи бўлимдан сўнг 0:1 ҳисобида ортда қолаётган вақтда Пеп Гвардиола ҳамюртимиз Абдуқодир Ҳусанов ўрнига захирадан Нико О'райлини майдонга туширди. У ўз навбатида Холанд ва Мармушнинг голларига ассист берди ва "шаҳарликлар"ни ярим финалга чиқишини таъминлади.
Гвардиола ўйиндан сўнг О'Райлини мақтади.
"Нико "Плимут"га қарши ўйинда иккита гол урди ва бугун ҳам ўйинга ажойиб таъсир кўрсатди. У ярим финалда ўйнаши аниқ!
У ҳақиқатан ҳам яхши ҳаракат қилди. Шуни унутмайликки, у барибир 10'лик позиция ўйинчиси. Унда тезлик бор, у жуда ақлли ва у тўпни ажойиб тарзда бошқаради.
У рақиб дарвозаси ёнида майдонни кенг кўриш қобилиятига эга. У ҳақиқатан ҳам яхши эди, ўйинга таъсир кўрсатди," - дея Гвардиоланинг сўзларини келтиради The Independent.
