Kecha "Manchester Siti" Angliya kubogi chorak finalida "Bornmut"ni mag‘lub etdi - 2:1.
Birinchi bo‘limdan so‘ng 0:1 hisobida ortda qolayotgan vaqtda Pep Gvardiola hamyurtimiz Abduqodir Husanov o‘rniga zaxiradan Niko O'raylini maydonga tushirdi. U o‘z navbatida Xoland va Marmushning gollariga assist berdi va "shaharliklar"ni yarim finalga chiqishini ta’minladi.
Gvardiola o‘yindan so‘ng O'Raylini maqtadi.
"Niko "Plimut"ga qarshi o‘yinda ikkita gol urdi va bugun ham o‘yinga ajoyib ta’sir ko‘rsatdi. U yarim finalda o‘ynashi aniq!
U haqiqatan ham yaxshi harakat qildi. Shuni unutmaylikki, u baribir 10'lik pozisiya o‘yinchisi. Unda tezlik bor, u juda aqlli va u to‘pni ajoyib tarzda boshqaradi.
U raqib darvozasi yonida maydonni keng ko‘rish qobiliyatiga ega. U haqiqatan ham yaxshi edi, o‘yinga ta’sir ko‘rsatdi," - deya Gvardiolaning so‘zlarini keltiradi The Independent.
