"Барселона" бош мураббийи Ханси Флик "Жирона"га (4:1) қарши ўйиндан сўнг Роберт Левандовскининг ўйинини юқори баҳолади.
"Левандовски ақл бовар қилмайдиган даражада, бугун у бизга у нима учун жуда кераклигини кўрсатди, лекин, албатта, бизга бошқа барча футболчилар ҳам керак. Биз ҳозир ажойиб формадамиз. Танаффусда Робертга у иккита гол уриш кераклигини айтдим ва у буни уддалади. У биз учун муҳим футболчи", деди Флик.
36 ёшли Роберт Левандовски “Жирона”га қарши ўйиндаги дубл эвазига жорий мавсумда клуб ва терма жамоа сафида 40 та гол урган Европанинг топ-5 лигасидаги биринчи футболчига айланди.
