"Барселона" мавсумни яхши ўтказмоқда ва треблга эришмоқчи. Ярим ҳимоячи Педри Каталония жамоаси муваффақиятини бош мураббий Ханс-Дитер Флик билан боғлади.
"Ханси Флик содир бўлаётган воқеалар учун тўлиқ жавобгарликни ўз зиммасига олади. У бизга ўтган мавсумдагидан фарқли ўйин услубини юклади, айниқса ҳимоя ва прессинг борасида. Флик бизга ўз услубини юклади ва уни жамоага ўтказа олди", - деди Педри TV3 телеканалига берган интервьюсида.
"Барселона" Ла Лигада иккинчи ўриндаги "Реал"дан уч очко олдинда. Каталония жамоаси навбатдаги ўйинини 2 апрель куни Испания кубоги доирасида "Атлетико"га қарши ўтказади.
