Машҳур италиялик собиқ футболчи Чиро Феррара бош мураббий Игор Тудорнинг клубдаги келажаги ҳақида фикр билдирди. Хорватиялик мутахассис яқинда ишдан бўшатилган Тиаго Моттанинг ўрнига жамоага келди.
"Шубҳасиз, Игор яхши тайёргарлик кўрган мураббий, у клубдаги вазиятни яхши билади. Агар у жамоани Чемпионлар лигасига олиб чиқса, ишлашда давом этишига рухсат берилишига тўлиқ ишонаман", - деди Феррара.
Айни пайтда "бянконери" А Серия турнир жадвалида бешинчи ўринни эгаллаб турибди. Тўртинчи ўриндаги “Болонья”дан 8 тур қолганда бир очко фарқи бор.
