Саккиз карра “Олтин тўп” соҳиби Лионель Месси “Манчестер Юнайтед”нинг собиқ юлдузи Уэйн Рунига юқори баҳо берди.

"Мен учун Уэйн Руни ўзгача ўйинчи эди. Ҳеч ким билан таққослаб бўлмайдиган ўзига хос ўйинчилардан бири. Кўплаб махсус ўйинчилар бор, лекин Руни ажойиб сифат ва техник қобилиятга эга эди ва мен учратган энг кучли футболчилардан бири эди", - дейди Месси.

Руни "Эвертон" тарбияланувчиси бўлиб, у ердан "Манчестер Юнайтед"га кўчиб ўтган. Умуман олганда, инглиз манкунианликлар сафида 559 та ўйин ўтказиб, 253 та гол ва 145 та голли узатмани амалга оширган.