КОНКАКАФ томонидан ўтказиладиган ўйинларда ортиқча ҳаракатлар қилган Мессининг қўриқчиси МЛС раҳбарияти томонидан ўйинларга киришдан четлатилди.
Гап Лионель Мессининг тансоқчиси Ясин Чеко ҳақида кетмоқда.
Чеко кўпинча ўз лавозимини суиистеъмол қилган ва рақиб жамоалар вакиллари билан жанжаллашиб қолган.
Шу сабабли, бундан буён унга майдон яқинидаги жойларда туриш тақиқланади. Бундан ташқари, унинг стадионларга киришини бутунлай тақиқлаш имконияти ҳам муҳокама қилинмоқда.
Эслатиб ўтамиз, Мессининг тансоқчиси Ироқ ва Афғонистондаги миссияларда қатнашган, қўл жангининг кўплаб техника ва усулларини ўзлаштирган, ўз машғулотлари видеоларини ижтимоий тармоқларга жойлаштирган, таъсирчан куч ва эпчилликни намойиш этган собиқ махсус кучлар аскари ҳисобланади.
