Англия футболининг 30-туридан ўрин олган бир нечта учрашувлар бўлиб ўтди ва "Вулверхэмптон" ўзининг лондонлик меҳмонлари - "Вест Хэм"ни минимал ҳисобда мағлуб этди.
Учрашувдаги ягона гол биринчи бўлим ўрталарида норвегиялик Йорген Странд Ларсен томонидан киритилди.
Ўйиндан сўнг учрашув бош қаҳрамони ўзининг муваффақияти ҳақида шундай деди:
"Гол тўғридан-тўғри урилганми ёки рикошет биланми фарқи йўқ. Муҳими, тўп дарвозага кириб кетди.
Мен шунчаки хурсандман. Ҳозир бу мавсумда 10 та гол бор ва бу ҳужумчи учун яхши рақам. Олдинда ҳали саккизта ўйин бор", деди Ларсен.
